İspan fotoqrafı Joel Filipe Santiago Calatrava memarlığında, yəni Valensiya İncəsənət və Elmlər şəhərində harmoniyanı göstərən bir sıra fotoşəkillər yaratdı.

Futuristik «İncəsənət və Elmlər Şəhəri» 1996-cı ildə ictimaiyyətə açıldı. Onun dizaynı üçün keçirilən müsabiqəni 1991-ci ildə Santiago Calatrava qazandı. İspan memarı dayaz Turla çayının mənsəbində Valensiya və onun əsas muzey kompleksinin yeni vizit kartını yaratdı.

İncəsənət və Elmlər Şəhərinin beş hissəsi Reina Sofia İncəsənət Sarayı, Şahzadə Filipe Elm Muzeyi, Planetarium və IMAX Cinema, L’Umbracle bağı və Okeanoqrafiya Parkıdır. Hamısı bir sıra düzülmüş və zərif strukturlarla bir-birinə bağlıdır.

İspan Radio Televiziyasının fotoqrafı və bədii rəhbəri Joel Filipe deyir ki, «Kalatravanın memarlığı fenomenal, ixtiraçı və valehedicidir». “Onun memarlıq dili heç kimə bənzəmir. Bu layihə ilə mən Santyaqo Kalatravanın yaradıcılığının saf ağlığını və harmoniyasını araşdırmaq istədim”.

Mətn: Sofiya Karpenko