Даниялық BIG компаниясы Париж маңындағы жаңа «жасыл» шатырларға арналған халықаралық дизайн байқауында жеңіске жетті. Europa City («Еуропа қаласы») – төбесінде үлкен саябақ болатын ауқымды тұрақты жоба. Жоба қаланың тығыз дамуы мен қала маңындағы ауылдық атмосфераны біріктіреді. Метроға, пойыздарға және іргелес тас жолдарға қосылған тар көшелер, сондай-ақ ауылшаруашылық жерлерімен байланыстар бұл таңғажайып дамуды ерекшелейді, деп хабарлайды inhabitat.com. Ол қала өміріндегі барлық қолайлылықты – дүкендерді, кеңселерді, мәдени мекемелерді және басқа да іс-шараларды табиғат аясында салауатты өмір салтын үйлестіретін болады.

BIG (Bjarke Ingels Group) Valode & Pistre, Snohetta және Manual Gautrand сияқты компаниялармен бірге халықаралық дизайн байқауына қатысты және олардың Europa City жобасы үздік болды. Жоба Париж маңындағы және ауылдық жерлерде Парижді әлемдік деңгейдегі қалаға айналдыратын қасиеттерді — жайлы көшелер, қоғамдық көліктер, мәдени орындар, мейрамханалар мен дүкендер — барлығы жаяу қашықтықта орналасқан.

«Еуропа қаласын» жабатын «жасыл» шатырдың жартылай дөңгелек пішіні мұқият жоспарлау нәтижесінде бекітілді. Дизайнерлер орталыққа бағытталған, оларды кесіп өтетін сәулелі көшелермен дөңгелек көшелер жүйесін жасай алды. «Еуропа қаласындағы» қоғамдық көлік жолаушыларға ыңғайлы болу үшін метромен және теміржолмен біріктірілген, автомобиль жолдары да жақын жерден өтеді. Ерекше қала ішінде жаяу жүргіншілер мен велосипедшілерге артықшылық беріледі, шағын автобустармен жүруге болады.

Дүкендер, мейрамханалар, мәдениет үйлері, тұрғын үйлер мен кеңселерден басқа жобада энергияны үнемдейтін жылыту мен салқындату үшін синхронды түрде жұмыс істейтін шаңғы трассасы мен бассейн кіреді. Бүкіл қала Парижге қарайтын толқын тәрізді «жасыл» шатырмен жабылады. Төбесі үлкен қоғамдық саябақ ретінде ғана емес, сонымен қатар қаланың қажеттіліктері үшін жаңбыр суын жинап, оқшаулау қызметін де атқаратын болады.

Click here to preview your posts with PRO themes ››

«Еуропа қаласы» қалалық өмірдің тиімділігі мен ауылдық жердегі салауатты өмір салтын біріктіретін тұрақты қала үлгісі ретінде салынады.

{әлеуметтік}